ჯემალ ადამაშვილი ცნობილი მუსიკოსი და პედაგოგი, 1941 წლის 1 იანვარი.
საქართველოს კომპოზიტორთა კავშირის წევრი; ფაზისის მეცნიერებათა აკადემიის ნამდვილი წევრი; გ. ლეონიძის პრემიის ლაურეატი; ღირსების ორდენის კავალერი.
მისი ავტორობით გამოცემულ საბავშვო სიმღერების 4 კრებულს მინიჭებული აქვს განათლებისა და მეცნიერების სამინისტროს ”გრიფი”.
ჩოხოსანთა ფოლკლორული ანსამბლის „შავლეგოს“ ხელმძღვანელი.
1959-1964 წ. _ იღწვოდა საქ. სიმღერისა და ცეკვის სახელმწიფო დამსახურებულ ანსამბლში პირველ მესალამურედ (დღევანდელი ”ერისიონი”).
1964 წლის 1 სექტემბრიდან დღემდე მსახურობს თბილისის სხვადასხვა საშუალო (საჯარო) სკოლებში მუსიკა-სიმღერის მასწავლებლად და მომღერალთა გუნდის ხელმძღვანელად.
1979-2000 წ. _ ბავშვთა ფოლკლორული ანსამბლის ხელმძღვანელია. (ანსამბლმა კონცერტები ჩაატარა 18 ქვეყანაში).
1984-1991 წ. _ მოსკოვში გამოიცა მისი სიმღერების ფირფიტები. შექმნილი აქვს მუსიკა თოჯინების თეატრის 14 სპექტაკლისთვის, ასევე დრამატიული თეატრებისთვის. დაწერილი აქვს მუსიკა მხატვრული ფილმებისთვის.
მის სიმღერებს მღეროდნენ ანსამბლები ”ნატვრის თვალი“, „მზიური“, „ბასტი-ბუბუ“, „მერცხალი“.
„პირველ სტერეოზე“ დილაობით მიჰყავდა გადაცემა - „ქართული გალობა“…
სიონის ტაძარში გალობდა 17 წელიწადი. შემდგომ ქაშუეთის წმინდა გიორგის სახელობის ტაძრის რეგენტი გახლდათ.
ჰყავს ცხრა შვილი.
ბატონ ჯემალის მეუღლე, სათნო ქალბატონი ნუნუ ჯანგირაშვილი (პროფესიით ფილოლოგი და ტაძრის რეგენტი) გარდაიცვალა ქირურგიული ოპერაციის დროს.
მარტოხელა მამას აღსაზრდელად დარჩა ხუთი მცირეწლოვანი გოგონა (ანა, სალომე, ნატალია, ელენე, თეკლა), როემლებსაც ქრისტიანული მზრუნველობით ზრდის...
ისინი წამოიზარდნენ და შემოქმედებით ასპარეზზე მამას უკვე მხარს უმშვენებენ.
თუმც, ისევ პატარები არიან და კვლავაც სათანადო მზრუნველობას ითხოვენ.
მათ სახელოვნებო მიღწევებს, კიდევ ბევრჯერ იხილავს ქართული საზოგადოება...
***
***
***
***
***
